Pisang molen Aceh

Pisang molen Aceh

Bada ka kayém ta pajoh jameun kön, teuma nyoe bah pih ka tréb sit kana, tapih rôh lam kawan peunajoh baro di Aceh. Geukheun pisang molen, i dalam jih sit na pisang geukoh ubit bit geubalot ngön teupong nyang ka lheueh geu péh ngön ampia. Bah pih ampia nyan merek alat péh teupong teuma di Aceh alat nyan kayém geukheun ju ngön merek jih yakni ampia.

Pisang na nyang geureuboh geukheun pisang reuboh, na syit nyang geucroh geukheun bada.

Teuma lawét nyoe na syit nyang kheun ju pisang guréng bah pih nyan geuteujeumah nibak basa Melayu. Nyang beutoi lam basa aceh jih nyankeuh bada.

Ureung meukat pisang molen i Darussalam, Aceh

Nyang mangat até teuh lom pisang molen nyan nyum jih mangat ngön yum pih saban sit mangat, sabab murah.

Siplôh ribèe meureumpök 22 krèk, sép keu tapajôh dua droe ureueng.

Man dumnan kön ka murah that, takalön peunajoh laén sikrèk pih siribèe. Na nyang leubèh meuhai lom lagèe awak meukat kueh donat lawét nyoe sikrèk pih trok yum limöng sampoe tujoh ribèe. Ta bloe pisang molen ka padum krèk ka. 

Meunan keuh pisang molen tapeubandeng ngön peunajoh laén. Teuma pisang molen nyan miseu ka leupie ka hana that mangat lé, lom pih miseu ka treb ta keubah pih ka hana mangat lé, kön lagèe kuéh seupét, keukarah atawa boi nyang tréb i theun.

Kriban bak gampông droen hinan? Pue mantöng ramé awak meukat pisang molén? Atawa ka talô ngön peunajoh laén, neutulong peugah hai keu rakan rakan geutanyoë mandum nyan kalön teunuléh nyoe. Atawa droen di lua nanggroë pue na i mekat pisang molen syit?

* Geutuléh lé Iqbal Hafidh nibak thon 1440 bak 7 uroe buleuen sapha, geujak beut bak Balé Drah Aceh Jawöe – جاوي اچيه i Darussalam

Gisa u ateuh