Soe baca teunuléh Aceh?

Soe baca teunuléh Aceh?

Lam thon nyoe bak lon peunyum peunyum na meupadum droe ka ureueng tanyöng bak lon pue na google lam bhasa Aceh?

Teuma pue lon jaweub? Neuprèh jitimöh lungkè mie jeut?

Meunan keuh kira kira jeunaweub lon sabe, bah pih ureung tanyöng teuseungèh-seungèh watèe geudeungö jeunaweub lon meunan that ka keuh jeut keu ayeum bak ta peugah peugah haba.

Lheuh nyan kayém syit na ureung jaweuëb meunoe..

Nyan keuh nyan.. i bhasa jawa kana, sunda ngön bali pih ka na syit, geutanyoë pue lom?

Meunan keuh nyang na ureung jaweub sigö gö bak keudè kupi. ‘Oh lheueh nyan kakeuh meunan..’oh n’han sagai..

‘Oh singöh ngöh bak duek duek meunan lom..tanyeong lom..

Teuma bak siuroe na ngön laén lom nyan tanyeong syit meunoe lom …

Teuma soe baca teunuléh basa Aceh jinoe? Pue na ureung tém baca lom?

Nyan… meunyo meunan neutanyöng ka payah ta meutanggông ilé wab hana data nyang jeut tangui jinoe ju.

Miseu ta tanyöng bak awak kanto statistik kadang na syit, teuma ken lagèe ta kalen bak google analitik na mandum data.

Nyan keuh meunan peujeut na teunuléh nyoe, droen nyang baca nyoe ka roh bantu tanyoe syit keu ta teupue padum droe na ureung baca teunuléh Aceh uroe nyoe.

Lawét nyoe na syit koran basa Aceh lagèe lam laman web nasajaberita nyang paléng meusyeuhu lam basa Aceh uroe nyoe.

Meunan keuh geutanyoë Aceh meubarô na lam donya nyoe jinoe miseu na teunuléh lam basa Aceh, adak pih lee that ureueng peugah droe awak Aceh teuma miseu teunuléh lam basa Aceh hana, hana lé ureung tuléh, ka keuh gadöh ju bacut bacut.

Kriban bak awak droen peunyum peunyum? Pue nyo meunan?

Teuma na mangat bacut lawét nyoe ka na keyboard lam basa Aceh lé Gboard ata google. Nyan keuh meunan cara lon tuléh teunuléh nyoe.

Laén nibak nyan lom beutateupue syit ureung Aceh nyan jameun kön, geutuléh ngön teunuléh jawöe (جاوي).

Teunuléh jawoë nyan ka trép that ka geungui lé ureuëng Aceh jameun meureutôh thôn nyang ka.

Teuma jinoe nyan jeut keu teunuléh manuskrip kheun awak luwa.

‘Oh n’hoe keuh mantöng haba peuintat nibak lon seubagoe saboh useuha geutanyoë bak ta peularha basa Aceh nyang tanyoe cinta.

Geutuléh lé : Iqbal Hafidh di Darussalam, geujak beut bak Balé Drah Aceh Jawöe, جاوي اچيه

Thon 1440 bak uroe aleuhad, 5 uroe buleun Sapha

Gisa u ateuh