الحمدلله الذي ارسل رسوله بالهدي ودين الحق
برمولا ڤوجي سکلين * ميليك توهن ذات ڽڠ اسا
توهن ڤجد دومنا عالم * جين ڠن انسان اتس دونيا
دوم لت باتت کايو باتو * دوم متنتو توهن فنا
واجب اتس سکلين * سدرى توهن بتاتهوى نا
لن لاکو تولوڠ بك حضرة * حکاية اولن چاليترا
توهن نبري تروس بن حاجة * بئيك تمت سورة موليا
لن لاکو تولوڠ اوبك ربي * خبر نوري لن چاليترا
بتوهن بري تراڠ قلبي * برکة نوري ڽڠموليا
بݢج ڤاکهوق انتوك کلام * بئيك دندام سي ڽڠ باچا
بݢيت تابج وهي تولن * بيك مرنتام ڤݢه خبر
حکاية ڽى کن هن مڤت * دالم کتاب اصل مول
نبك نوري نبري معجزاة * سنن صحبة اصل تکا
دالم کتاب تاج الملوك * تائر بتروك خلوق السماء
حديث نبي رسول الله * نڤݢه بك صحبة دومنا
اول ما خلق الله تعالي النور
هنا نڤجد اوليه توهن * سيت نور اولن اصل مول
نور محمد توهن جادي * مثل نورى نبوه روڤا
ڤوجي توهن هنا خالي * ݢاسيه ربي نور موليا
چيچيم نوري ڤوجي الله * هناڤايه روك٢ مسا
ڠن سوارا ماڠة لڤه * چيچيم انده جروه تهت روڤا
ترون ڤرمان اوبك نورى* يا حببي نور العلي
جينى سوجود ݢتا بك لن * سيڤلوه ريبو تهون منن لما
يهڽن سجود چيچيم نوري * اوبك ربي ڤوته يڠ اسا
سيڤلوه ريبو تهون سجود نور * ڤرمان ربي يهڽن تکا
وهي نوري بده ديلو * ݢناسيه کومهت ݢتا
اتس ݢتا کو فوضو * ليمڠ واتو سمبهيڠ تبا
اتس دري ڠن اتس أمة * لن امانة هنجد هنا